Ժընեւի օգնական եպիսկոպոսը հարցարան մը ուղղած է ընտանիքի մասին` ''Հռոմը կը կանչէ Ժընեւը
կը պատասխանէ''։
Գերապայծառ Փիեռ ֆարինը, 11 նոյմբերին,ընտանիքի մասին Վատիկանէն ստացած հարցարանը, ուղղած
է Ժընեւի 52 ժողովրդապետութիւններուն։ Գերապայծառ ֆարին կը յուսայ ս. Ծնունդէն առաջ հարցարանին
պատասխանները ստանալ։ Հարցարանը, որուն վերնագիրն է` ''Ընտանիքի հովուական մարտահրաւէրները
վերաւետարանութեան ծիրէն ներս'' կը դիմագրաւէ զանազան նիւթեր. ընտանիքին հովուութիւնը,
պսակի պատրաստութիւնը, այրի ու կնոջ առանց ս. պսակի միակեցութիւնը, ապահարզանը, միասեռականութիւնը
...։ Այս հարցարանը նախապատրաստութիւն մըն է եպիսկոպոսական արտակարգ սիւնոդոսին, խորհուրդի
կանչուած ֆրանչիսկոս Քահանայապետի կողմէ 5-19 հոկտեմբեր 2014ին։ Եպիսկոպոսներու արտակարգ
սիւնհոդոսին նպատակն է համախմբել եպիսկոպոսներու վկայութիւններն ու առաջարկները լաւագոյնս
քարոզելու եւ ապրելու ընտանիքի Աւետարանը։ 
| All the contents on this site are copyrighted ©. |